![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Një bandë e trafikut të kokainës dhe heroinës në Greqi është shkatërruar nga policia e Selanikut.
Kështu, pas një hetimi disamujor është bërë i mundur arrestimi i tre shtetasve shqiptarë, pjesë e bandës, përkatësisht 33, 39 dhe 45 vjeç.
Sakaq, urdhër arresti u është komunikuar edhe dy drejtuesve të bandës, një 42-vjeçari shqiptar dhe një 49-vjeçari grek. Të dy këta të fundit ndodhen në burg në Greqi, dhe prej andej drejtonin bandën e trafikut të drogës.
Në kuadër të këtij operacioni, policia e Selanikut ka sekuestruar 1 kg 181 gramë kokainë dhe 2 kg 40 gramë heroinë, që do shiteshin për 100.000 euro. Në banesat e tre shqiptarëve, tashmë të arrestuar, u sekuestruan 59 gramë kokainë, 1850 euro, 6 celularë, dhe 3 makina.
Ndërkohë, vijojnë hetimet për persona të tjerë të përfshirë në rrjet.